Həyata baxışınızı dəyişəcək 10 kitab

Gözəl bir cümlə varki dünyada bütün səhvlər artıq kimlərsə tərəfindən buraxılıb və onlardan nəticə çıxarmaq üçün kitablar ən gözəl vasitədir.

Tez-tez məndən hansı kitabı oxumağı məsləhət bilirəm deyə suallar soruşurlar. Adını verdiyim kitabları oxuyanlar sonda təşəkkürlə mənə qayıdıblar.

Kitabsevər biri kimi bu bloqumda sizə oxuduğum kitablar siyahısından top 10 kitab təqdim edirəm ki onları oxusanız həyata baxışınız daha gözəl şəkildə dəyişəcək.

p.s. – mənim oxuduğum kitabların əksəriyyəti rus və ingilis dilində olduğundan onların üzlərini sizə oxuduğum dillərdə təqdim edəcəyəm. 

1.    Müvəffəqiyyətə gedən yol  - Əsədullah Əliyev

Azərbaycan müəllifi tərəfindən yazılan mən deyərdim ki ilk şəxsi inkişafa aid çox uğurlu alınmış bir kitabdır. Bu kitabı oxuyan hər kəs həyat yolunda olan çətinlikləri, əngəlləri necə aşmağı, müvəffəqiyyəti necə qazanmağı, maddi ehtiyacları necə ödəməyi, könül rahatlığını necə əldə etməyi öyrənəcək.

  

   2.   Narahatlığıa necə son qoymalı və yaşamğa necə davam etməli  - Dale Carnegie 

   Bu kitabı illər öncə oxuyanda ağılagəlməz ideyalarla rastlaşdım. Müəllif, problemlərin həlli yolunda      mükəmməl strategiyalar təklif edir və onları həyatında tətbiq etmiş insanların təcrübələrini paylaşır

“Uğursuzluğunuzla uğurlarınızı inkişaf etdirin. Məyusluq və uğursuzluq uğura aparan ən etibarlı iki pilləkəndir.”

  

    3.    Martin Eden  - Jack London  

     

     Bu əsər demək olar ki həyatımın hər mərhələsində mənə kömək olub. Baş qəhrəman Martin İden      əslində müəllifin öz həyatında yaşadıqları hadisələri əks etdirir. Kasıb bir dənizçinin sonda necə öz        məqsəd və arzularına çatdığı haqqında real hadisələrə əsaslanaraq yazılmış çox möhtəşəm bir              sənət əsəridir.

    

“Limitli ağıllar başqalarında ancaq limitləri görər”

  

   

     4.    Kimyagər  – Paulo Coelho

Bu əsər dünya şöhrətli “bestseller” sayılır və həqiqətən də buna dəyər. Paulo Coelho əsərlərinin daim oxuyucusu kimi əminliklə deyə bilərəmki yazıçının “Masterpiece” əsəri sayılır və insana çox qəribə hissllər bəxş edir. Əsərdə, Şərq fəlsəfi fikrində qırmızı xətlə keçən “vəhdəti-vücud” dünyagörüşünün bədii təcəssümü kimi, insanın təbiətin bir parçası olduğu canlı boyalarla işlənilib. Heç nəyin təsadüf olmaması, hər hadisənin, sözün, uğur və uğursuzluğun bir əlamət olması romanın qayəsini təşkil edir. İnsan bu əlamətləri anlayarsa və Öz Yolunu davam etdirərsə kainatın ona məqsədinə çatmaqda yardım etməsi əminliyi İslam fəlsəfəsinin “nə baş verirsə, insanın xeyrinədir” tezisi ilə üst-üstə düşür.

"İnsanın yeganə həqiqi borcu - öz taleyinə, arzusuna qovuşmağa çalışmaqdır..."

   5.   Ferrarisini Satmış Rahib – Robin Sharma

Şarmanın kitabı özünə rəhbərlik etməyin məxsusi dərsliyi, gerçək uğur və xoşbəxtliyin səmərəli düsturudur. «Ferrari»sini satmış vəkilin etdiyi kimi, dayanmaq və hər şeyi yenidən başlamaq heç vaxt gec deyil.

 

   

       6.    Hər şey səninlə başlar  - Mümin Sekman 

       Kitabda yerli və dünya təcrübəsindən olan misallarla uğursuzluğa necə alışıldığı və uğur qazanmanın necə öyrənildiyi haqda bəhs edilir.

 

7.   VARLI ATA, KASIB ATA - Robert T. Kiosaki, Şeron L. Lekter 

Robert Kiosaki və Şeron Lektorun müştərək yazdığı bu kitab insanlara müasir həyatda yüksək rifah içində yaşamağın yollarını, varlanmağın sirlərini öyrədir. Müəlliflər öz təcrübələrini bölüşür, qanunları pozmadan necə var-dövlət qazanmağın mümkün prinsip və şərtlərini təhlil edirlər.

 

8.   Sirr  - Rhonda Byrne    

2 il əvvəl oxuduğum, çoxdandı haqqında paylaşmağı düşündüyüm kitab — Sirr.  Əvvəlcə onu deyim ki, kitab dünyada 19 mln nüsxədən çox satılmış, 45 dilə tərcümə edilmişdir. Ümumilikdə psixoloji kitabdı və insana ancaq pozitiv enerji verir.

"Diqqətinizi çiçəklənməyə doğru yönəldin. Daxildə nə varsa, xaricdə də odur. Bu kitab sizə həsr olunur. Qoy bu Sirr sizə ömür boyu sevgi və xoşbəxtlik gətirsin!"

        9.      Siddhartha –   Hermann Hesse 

Hind mövzusunda olan ‘Siddhartha’ (1922) povesti Hessenin ilkin yaradıcılığının ümumiləşdiricisi rolunda çıxış edir. Əsərin güclü psixosimvolik mövzusu isə onu yazıçının sonrakı işlərilə doğmalaşdırır.

  
    

 

10.  You can, you will – Joel Osteen

Bu kitabın Bakıda satışı təəssüflər olsun ki yoxdur, amma sifariş ilə xarici saytlardan asanlıqla almaq mümkündür. Kitab insana daim Allahın yaratdıqlarının yanında olmasını, və Yaradanın köməyi ilə istənilən çətinlikləri dəf etmək qabiliyyətini aşılayır.

 

Enjoy :)