Gedəcəyəm bu şəhərdən!

Zövq almıram artıq heç bir səhərdən,

Qismətimin yolu keçir kədərdən,

Yükləyib çiynimə xatirələri,

Güc alaraq tükənməyən göylərdən,

Gedəcəyəm bir gün mən bu şəhərdən...

Sağalmamış qəlbdə olan yaralar,

Günü gündən ruhum solub saralar,

Harda olsam həsrət məni qaralar,

Baş götürüb qaçmaq üçün qəhərdən,

Gedəcəyəm bir gün mən bu şəhərdən...

Üzüm cavan içim qocadan betər,

Bu qədər üzüntü, sıxıntı yetər,

Bu ölkədə gənclər məndən beşbetər,

Bezib həm “yaxşı”dan, həm “birtəhər”dən

Gedəcəyəm bir gün mən bu şəhərdən...

Fidan M. Hebibli                         

01.Aprel.2014  11:20 p.m. 

Ludovico Einaudi - Run